本文重點
青少年濫藥成風，少女援交搵快錢，情況令人憂慮。講過退休後唔打工嘅警務處前副處長馮兆元，畀香港青少年發展聯會主席陳振彬嘅誠意打動，出山做大義工幫手教導青少年，繼舊年帶隊到北京同唐山考察後，馮Sir嚟緊又肩負重任。
大把招數教學生
為免青少年誤入歧途，陳振彬早前透過青少年發展聯會喺鰂魚涌開設一所逾兩萬呎嘅德育培訓中心，為初中生提供德育培訓營，住宿設施將近完成，八月正式開張。中心除為每所中學度身訂造培訓課程外，仲請到馮Sir執教鞭，入營嘅學生規定每日要步操兩小時學習紀律，並以活動教學方式向學生灌輸德育訊息。
陳振彬大讚馮Sir好耐性，又有大把招數教好學生，加上警隊前「一哥」李明逵幫手做策劃工作，佢極有信心糾正時下青少年嘅不良風氣喎！