太古（中國）主席陳南祿在任國泰航空CEO時，好多時會同一班俏空姐或地勤美女合照，十足占士邦咁款，雖然依家「占士邦」後繼無人，但佢出書做善事嘅美德仲長留國泰。一班國泰地勤人員將近幾年嚟喺機場嘅所見所聞結集成《地勤手記》，新書嘅收益將撥捐恩光之友會，幫助有需要嘅智障人士。
有份著書嘅人員分享擔任地勤期間最難忘經歷，有櫃位地勤憶述，曾遇見隔籬櫃台有個下身只用大毛巾圍住嘅男乘客辦理登機手續，地勤覺得唔對路上前截查，發現男乘客大腿唔小心畀熱水淥親，所以唔着得褲，地勤因而體會到，凡事不能單睇外表。
機管局行政總裁許漢忠都有去捧場，話幾十年前有錢人先有能力搭飛機，但隨着飛機普及化，好多人可以一嘗搭飛機滋味。