有立法會議員尋日喺公務員事務委員會會議上質疑，點解負責嘅公務員事務局局長「D姐」俞宗怡傾唔成，反而警務處處長鄧竟成就講得掂，擔心係咪權力已經轉移。

呢個議員提出咁嘅質疑，好明顯係話D姐駕馭唔到都係公僕嘅警隊，警隊唔聽佢支笛，而平時表現得好淡定嘅D姐點答呢？佢話：「到今日早上，我仍然係管理公務員嘅局長！」聽落都覺得佢好無奈。