陳振聰昨日接受華懋資深大律師駱應淦盤問，陳稱龔如心於○六年十月十六日上午曾兩次致電他，着他晚上十時半到華懋。他應約後，龔叫他到櫃面自取遺囑，陳稱對此感到：「帶好多麻煩畀我……我覺得會將兩人嘅關係曝光，王太（龔如心）想全世界人知我哋兩人關係，但我想保密啲。」
陳續稱，「佢（龔如心）叫我唔好講咁多，叫我返去（家）再返嚟（華懋）」，對於全英文內容的遺囑，陳稱：「睇得明，但唔係個個字識得解，我理解係將所有業務事宜畀晒我。」，對於龔將遺產留給他，陳形容「我係驚奇，無諗過佢愛我愛得咁深」。
稱僅妻子看過遺囑
陳指他在家中放好遺囑後曾坐在書房睡過了頭，龔再致電給他着他回華懋，他趕返華懋後，龔口頭交託他要照顧龔家及王家成員、華懋員工的子女教育、設獎學金等，駱應淦問陳，龔有否請他圓王德輝之心願，陳回應說「冇講，但叫我照顧王家同王德輝妹妹」。
陳說當時龔在十五分鐘內便交代事宜，駱質疑陳有寫日誌習慣，至於為何沒有記下，陳稱：「我永遠記喺心，唔需要記低」，陳形容「佢講得好慢，同我講咗一陣，佢就休息嘞」，他指龔如心該段時間身體尚可，「跳舞就唔得，但行去洗手間無問題，出來時則氣促」。陳表示，他稍後只曾把該份遺囑交妻子譚妙清看過，駱應淦昨質疑朱偉民是否早已看過遺囑，陳稱：「肯定冇，亦冇同佢講過。」
陳振聰又指，○七年一月十四日龔在養和醫院留醫再次跟他談及遺囑，他說當晚十一時往探望龔，逗留至凌晨二時離開，凌晨四時龔的私家看護致電他說「龔如心要見你」，陳遂於一小時後到醫院，龔一見陳便抓着其手臂叮囑：「確定遺囑收喺安全嘅地方！」陳形容龔表現「好認真㗎，同好關心嘅」。
龔叮囑「小心啲指模」
陳又指，由於龔曾經歷王德輝之爭產案，故將○六年遺囑交給他時，叮囑他「小心啲指模」：「叫我唔好大力揸住紙，令啲指模印上去。」故陳亦照吩咐去做。惟駱應淦形容陳一派胡言，「你係遺囑受益人，點解要小心」，駱又質疑因該份遺囑沒有發現龔如心之指模，故此陳捏造有關說法。
另陳振聰承認從舊文件夾中找到龔如心五八年的打字證書，但他稱不知誰負責草擬○六年遺囑，而駱趁機揶揄陳「（龔如心）佢識打字你都未出世」。駱昨又着陳讀出○六年遺囑內容，惟陳唸出時有部分字發音不準，又自稱有單字不識讀和不知何解，駱又一度形容：「由依家開始叫○六年遺囑做『偽造遺囑』。」陳大為緊張，立即否認及指此講法對他不公。
另對於遺產數字，陳稱「我唔知有幾多，我冇收到準確數字」。華懋一方又問陳振聰作為○六年遺囑受益人，是否可以將華懋逐部分賣出，陳表示同意這個講法。
案件編號：HCA P8/07