現年二十一歲的應屆高考生關巧兒，原本與母親及兄長在內地居住，靠父親生前在港做地盤工養家。少年不識愁滋味，她不諱言「小學時代，我喺內地讀書都係得過且過，日日放學去公園玩，同班同學去食嘢」。

至十歲時，父親因病逝世，母親惟有隻身來港工作，在果欄賣生果。懷着喪父之痛，滿以為不幸的事情經已過去，四年後卻再經歷多一次傷痛。巧兒眼泛淚光憶述說：「媽媽喺○二年返大陸探我哋時遇上交通意外，撞傷咗對眼、個腦同埋對腳，佢連我都唔認得，身體好虛弱……治療後仍喪失工作能力。」

勝利屬於最堅忍的人

巧兒當時感到徬徨無助，但想到「媽媽學歷低，所以勞碌一生……令我覺得讀書好重要，幾乎係我嘅唯一出路，我好想將來搵到份好工，畀媽媽過啲舒適生活。」翌年，一家三口在港終於團聚，僅靠綜援過活。

巧兒來港入讀中一，發覺英文聆聽及說話程度遠遠未達香港課程的要求，便從背誦初階字典入手，更規定自己每日背誦廿個英文生字，至中二再從書本中抽出生字，逼自己牢記。中五起改為閱讀英文報章學生字，「以前每篇文有四成英文字唔識，依家只得一成字唔識」，會考考獲廿八分。

高考前夕，巧兒每日朝八晚十一獨自到自修室溫習，「近十年嘅高考試題都重複做兩至三次，有時答錯咗，我會好嬲自己」。

奮鬥過程總是有起有跌，巧兒除在練習簿封面寫上「攞A」的終極目標外，更寫上「勝利屬於最堅忍的人」等勉勵字句，於「跌倒」時及時提醒自己。她正在一間餐廳當暑期工，希望在升上大學前儲起最少一萬元「補貼」學費。