29/06/2009

播放本新聞相關短片

政情:賭王力撐崔世安「畀個機會佢」

澳門行政長官管理委員會日前公布,社會文化司前司長崔世安係下屆特首選舉唯一候選人。

查實「賭王」何鴻燊早喺今年三月已話過,澳門特首要由扎根幾代嘅澳門人出任,佢仲話除咗崔家之外都諗唔到第二個有咁嘅條件。佢早就tip中崔世安係下屆特首不二之選,依家崔世安做咗唯一嘅候選人,賭王尋日被傳媒問到崔世安嘅表現時,就毫不吝嗇地送高帽畀對方戴。

賭王笑言:「佢有咁多年管治經驗,一向都係咁勤力,幾乎喺電視(新聞)晚晚都見到佢。」當被問到崔世安有乜地方需要改善時,佢更落足嘴頭話:「你唔使教佢啦,咁有經驗嘅人,會兵來將擋!我暫時都睇唔到有乜需要改善。」臨走前仲不忘呼籲各界「畀個機會佢」。