Amy喺九六至○六年曾經出任金管局儲備管理部助理總裁一職，掌管外匯基金，咁梗係要問吓點睇任志剛十月卸任金管局總裁，同埋特首辦主任「攞命陳」陳德霖接班嘅傳言啦。Amy唔肯多講，只係話「好miss（掛念） Joseph」，Joseph咪即係任總囉，其他就「no comment（無意見）」。至於有冇諗過返金管局做，佢即刻話「唔會」。

聽Amy咁講，好明顯對舊老闆任總嘅評價幾高，但似乎對攞命陳就好避忌嘞！咁又係嘅，喺遴選金管局總裁一事，外界狂轟係黑箱作業，咁Amy不在其位，就更加唔講咁多啦，費事無端端火燒身啦！

九八亞洲金融風暴有份打大鱷嘅Amy自言以前好招積，以為自己有乜嘢未見過，點會失眠，點知近嚟因雷曼債券同金融海嘯夾攻，首次嘗到眼光光嘅滋味，好在得小學同學推介食靈芝保健食品，令心情平靜，卒之有覺好瞓。