「老婆唔係娶番嚟折磨，揮之則去！係男人就企出嚟！」提及張女的遭遇，謝先生直斥其夫是「賤男」，枉為男人。六月初，謝先生與友人前往深圳光顧一家腳底按摩店，替他按摩的正是張女，傾談間，驚聞張女遭夫拋棄及懷胎八月而墮胎的經歷。

「一個女仔，以為遇到終身伴侶，點知畀老公逼着冒死墮胎，仲要失蹤避老婆，係咪男人嚟㗎？」謝先生稱，準爸爸逼妻子打掉即將降生的兒子是匪夷所思，斥他是殺人兇手，「影衰」港男。雖然與張女只有一面之緣，但看見瘦弱的她求助無門，每天只能當收入微薄的按摩師，謝先生隨即答應其要求，擔任中間人，將她的控訴書寄到本報。「雖然我係局外人，但倘若一個舉手之勞，可以逼賤男企出嚟交代，我唔介意幫佢將故事話畀大家知！」