【本報訊】這是一次可怕的經歷，一個終生難忘的噩夢，張女走進設備簡陋的湖北診所，躺在細小的手術床上，床邊僅有數個簡單的手術用具，醫生替她打針後數小時，八個月的骨肉最終變成血水！
「診所只有偏僻鄉下醫療質素，我懷疑係無牌診所！我初初都好驚會出事，但老公話同呢間診所醫生係朋友，好信得過！」單純的張女對丈夫的一言一行都毫不懷疑，乖乖地帶着肚內骨肉睡在「刑」床上。數小時後，肚內小生命離開人世，再被醫生棄置在陌生地方。
「我冇諗過仲有冇命落床，老公話落咗仔就會同我復合，我真係信！」張女向本報透露，墮胎恍如噩夢，每次憶起都不禁悲痛得淚流滿面，「竟然是爸爸要他死於非命！由嗰一刻起，我已經生無可戀，亦冇面目見親人。」