「商機無限」就聽得多啫，乜嘢叫做「雙機無限」？等太一叮同大家報告兩組數字先。

第一組數字：連續三十三年全港銷量第一嘅《東方日報》讀者人數超過三百萬；第二組數字：穩居全港第三把交椅嘅《太陽報》讀者人數超過一百萬。咁就考考大家嘞，兩報讀者相加即係幾多呀？冇錯，四百萬有多，佔全港七百萬人口嘅六成！

認真唔講得笑，四百幾萬讀者如果一字排開，太一叮懷疑可以繞地球一圈。唔係誇張㗎，有數得計喎，地球赤道圓周大概係四萬公里，只要每公里容納一百人，啱啱好。

兩報讀者人數咁多，如果你係廣告客戶，你會點諗呢？計太一叮話齋，聰明嘅你一定會諗，《東方日報》同《太陽報》係最受香港人信賴、支持嘅報紙，唔揀兩報落廣告就笨咯！

其實唔止人數多，兩報讀者嘅質素仲好尊貴，專業人士又有，決策階層又有。你知啦，高質素嘅尊貴讀者收入豐厚，消費能力特別強，佢哋全部都係商家嘅潛在客源。所以話啫，兩報聯手打造嘅，既係商機無限，亦係雙機無限！

講到呢度，係時候拆穿一個西洋鏡。《蘋果日報》自稱○八年下半年銷量比○七年同期多咗二千份，離奇嘅係讀者人數竟然多咗十八萬七千。大家計計數，唔通一份報紙可以畀幾十個人睇？梗係冇可能啦，所以一定係有人作嘢，貫徹《蘋果》噏得就噏、作得就作嘅風格。

《蘋果》讀者人數輸畀《東方》九條街不在話下，講到讀者質素咯喎，亦係冇得比。以僱主身份嘅讀者為例，《東方》比《蘋果》多一成一，如果係文職以及非技術人士，更加多出三成。教育程度又點睇？中學或以上教育程度嘅讀者，《東方》比《蘋果》多一成九。

唔係太一叮賣花讚花香，事實勝於雄辯，《東方日報》及《太陽報》合共超過四百萬讀者係廣告客戶嘅信心保證，對於宣傳推廣無往而不利。順便一提，兩報即將提升紙張及印刷質素，逆市投資，回饋讀者，更加超值。

咦喂喂喂，唔好忘記東方報業集團仲有一個實力強勁嘅旗艦網站on.cc，每個月有二百二十幾萬觀眾瀏覽。即係話，如果你嘅廣告係針對網民嘅，on.cc同樣可以畀到你信心保證。有人講過，互聯網係改變世界嘅其中一項偉大發明，假如你搵on.cc幫手，你都有機會改變世界，因為你嘅訊息可能唔止繞地球一圈。

有人可能會問，on.cc有乜嘢睇㗎？呢家嘢唔到太一叮唔自豪，on.cc除咗有圖文並茂嘅新聞資訊，仲有電視睇！係呀，有電視睇呀，事關on.cc裏面有ontv，節目多姿多采，新聞、評論、財經、娛樂、生活、體育乜都有。ontv推出短短一年，每月就有接近一百萬觀眾，你都咪話唔犀利！

總而言之，大家記住，不斷求新求變、贏盡口碑嘅東方報業集團係廣告客戶嘅好朋友，雙劍合璧，雙機無限！