22/06/2009

播放本新聞相關短片

政情:發叔10卡鑽戒慰勞太太?

「新界王」劉皇發家族尋日有愛駒出賽,發嬸首先領軍帶仔女入場,反而發叔就比較低調。

問起子薑「銷情」如何?發嬸笑騎騎咁話「定單」多到應接不暇,二百樽子薑唔使幾日就派光。

愛心子薑廣結人緣

本來諗住見好就收,但盛情難卻,發嬸今日又要開工,加碼炮製子薑。佢話用嚟裝薑嘅玻璃樽極之缺貨,加上佢對樽形有一定要求,怕影響「發嬸牌子薑」嘅形象,所以依家又要四出搜購玻璃樽嘞。

同發嬸傾得興起,終於見到發叔現身,問佢點樣慰勞太太整愛心子薑,為佢廣結人緣,發叔一時間唔知點答好,發嬸即時撒嬌話:「起碼都送十卡鑽戒啦!」

嘩!十卡鑽戒唔嘢少喎!但發叔見太太咁辛苦,明知畀佢揼心口都唔敢Say No。子薑換巨鑽,發嬸呢招都算勁。