原來蕭公子曾經係一個叛逆少年，爸爸講東佢就偏要講西，結果搞到兩父子關係變差，甚至有近十年冇乜溝通，蕭公子好後悔咁講：「依家我好感激佢，但我已經冇機會同佢講，佢係一個好好好好嘅爸爸！我失敗時佢都企喺我背後支持我，我瘀過一千次佢都支持我。」所以佢勸天下父母多啲容忍仔女，因為硬碰硬最終只會傷害親子感情。

蕭公子最後同爸爸喺足球場上「和解」，因為兩父子都好鍾意睇波，所以佢會不時買飛陪爸爸入場觀賽，尋日係父親節，佢忍唔住好感觸咁話：「佢已經唔喺度，我仲想同佢睇多次球賽。」