19/06/2009

播放本新聞相關短片

政情:小馬哥港粉絲怨撤走黨工

喺香港九龍廣華醫院出世,都算係半個香港人嘅「小馬哥」馬英九,決定競選國民黨主席,一班住喺香港嘅小馬哥「粉絲」發起國民黨黨員聯署行動,隔岸支持小馬哥。

希望小馬哥來港行一轉

○五年成立嘅馬英九港澳地區後援會召集人戴卓賢,尋日除講解挺小馬哥簽名行動外,仲爆料話本來國民黨喺香港有設立「黨工」,負責聯繫同統籌香港國民黨黨員工作,但隨着兩岸政治形勢變化,喺○六年三月,台北總部以資源問題為由,將黨工撤走,港澳黨員覺得唔受重視,開始出現憂鬱情緒。

聽佢咁講,挺小馬哥之餘,似乎有啲埋怨台北總部唔重視香港「分公司」喎!所以佢話希望小馬哥當選後,可以嚟香港行一轉,振奮吓港澳區黨員嘅士氣咁話。

陪你迎接高考放榜
詳情瀏覽on.cc《放榜無限分2009》

直擊人類豬流感最新疫情
詳情瀏覽on.cc《奪命流感》