19/06/2009

播放本新聞相關短片

政情:李嘉誠分享做人心得

「超人」李嘉誠尋日專程去汕頭主持汕頭大學全新嘅圖書館大樓啟用儀式,超人喺致辭中提到反思嘅問題,話大家生活喺瞬息萬變嘅年代,對一啲曾經深信不疑嘅事物,需要恒常作出靈活反思。呢句做人心得真係好有啟發性。

汕大喺超人支持下不斷成長,圖書館係汕大今年的重點建設項目之一,總建築面積超過二萬一千平方米,藏書超過四十六萬冊。館長楊明華為咗多謝超人二十幾年嚟嘅關愛,特別準備咗份禮物送畀超人,就係新舊圖書證。

知識就係財富,超人賺錢能力無人會質疑,而佢對知識亦有一套見解。佢提醒大家,對曾經深信不疑嘅事物都要時刻反思,咁我哋嘅認知先至能夠與時並進。

陪你迎接高考放榜
詳情瀏覽on.cc《放榜無限分2009》

直擊人類豬流感最新疫情
詳情瀏覽on.cc《奪命流感》