七一後猛加班

隨便數兩樣，已有最低工資同埋欠薪刑事化嘅法例，逼埋喺七月八號首讀。勞工界議員當然呱呱嘈想快啲立法，所以內務委員會要喺七月十號加班，畀議員討論成立相關嘅草案委員會，務求爭取最多時間開波做嘢。

而負責批錢嘅財務委員會又要加開七月三號、七號嘅會議，等政府可以批錢做四川重建同新一輪紓解民困措施；仲有梁展文事件嘅聆訊下個月又嚟多幾場，包括下月尾三次傳召梁展文出席聆訊；加埋因上禮拜有市民喺立法會自殘嘅事件，立法會行政管理委員會又要喺七月十六號加班，傾吓大樓嘅保安措施。

總之因為政府賴皮，今天的事明天做，搞到議員今年要押後放假。