本文重點
【本報訊】女事主X在十三、四歲時一心想當「(口靚)模」賺錢,才欣然赴被告的「度身之約」,卻換來逾一年提心吊膽日子,更被捉痛腳影下裸照,讓被告涉嫌為所欲為。在錄影會面中,被問及事發期間的感想,她一口氣地說:「好核突、好傷心囉,我覺得自己好核突囉,佢(被告)好乞人憎,我覺得自己好慘囉」;甚至連那年的生日願望也是「唔想再畀佢搞」。
「佢向我笑好恐怖」
X在錄影中向女警說,去年八月被告失去消息後,突接獲對方表弟的短訊通知,說被告有麻煩,會吃安眠藥自殺。X說:「我以為佢真係自殺㗎,我好開心,以為無咗呢個人,唔使再見到佢,我就好安樂,唔使再做性交、口交呀啲我唔鍾意做嘅事,所以我一路好開心。直至响學校對面馬路見到佢,佢向我笑,我覺得好恐怖!」
她又憶述當時根本對被告十分厭惡,但因擔心裸照外洩,才就範其淫威。到○七年她生日時,被告厚顏問她生日願望,X亦老實不客氣答道:「唔使再畀你咁樣搞囉!」當時被告笑而不語,但之後真的沒再堅持與她性交。