本文重點
【本報訊】奪刀擒兇救人的兩名「街坊英雄」，憶述血淋淋恐怖情景，仍有點心寒。他們指出當時正埋頭工作，耳邊突傳來女傷者淒厲嗌「救命」聲，又聽到疑兇狠叫「喊殺」聲，恐會搞出人命，即毫不猶豫衝出救人，一人攔阻疑兇奪刀，一人保護傷者入車房休息，盡了做市民應盡的責任。
街坊擒拿手制服
擒兇的植先生表示，當時看見兩人在街頭糾纏，女兇徒大叫：「我要拮死佢，我要插死佢！」他雖然見到女疑人有刀在手，但為了幫助女傷者脫離危險，沒有想過自己安危，義不容辭走上前阻擋，使出三兩下擒拿手，就將女疑人手上生果刀打跌，並踢入後巷。
植將女疑人按實並質問：「做乜要咁？為乜事？」女疑人喃喃自語：「我只想見個女，佢又唔畀見；依家天氣未熱，佢又要我個女沖凍水，佢呃我老公攞張身份證，由佢啦，但佢蝦我個女，我要拮死佢。」言語間，感覺她心中有很大怨氣。
救人的「輝哥」稱，女傷者滿身鮮血進入其車房坐低後，依然不停講「我唔死得，我仲有個女要養，我要通知阿媽」。她並企圖站起身找電話，當她拿開掩住傷口的血手，輝哥發現她的傷口好像有內臟要跌出，立刻阻止她做大動作，以免大量失血「冇命」，幸她終可獲救送院。