鬍鬚曾話港府「最近」成立三人小組，負責金管局總裁嘅遴選工作；所謂「最近」，原來係大半年前。如果佢畀家用曾夫人，「最近」即係大半年前，你話佢夫人會唔會扭佢耳仔呢？鬍鬚曾又話小組已進入「最後階段」；所謂「最後階段」，原來一切已成定局！鬍鬚曾不但擅玩數字，連時間都玩到出神入化！
孫子說：「兵無常勢，水無常形，能因敵變化而取勝者，謂之神。」戰場態勢，瞬息萬變。敵情發生變化後，所採取的措施也必須進行相關的變化，做到極處，就如孫子所說：「人皆知我所以勝之形，而莫知吾所以制勝之形。」
鬍鬚曾可謂「神人」，一般人做唔到嘅嘢，佢合埋眼，毋須像茅山道士般口中唸唸有詞就做到了！這，就算不是神人，亦是超人！
吾友卻不贊成筆者之見，他舉了一個例：唐朝詩人盧綸的名詩《和張僕射塞下曲》：「月黑雁飛高，單于夜遁逃。欲將輕騎逐，大雪滿弓刀。」已故數學家華羅庚讀過這首詩後，指這首詩不合邏輯。華羅庚為此寫了一首質問詩：「北方大雪時，群雁早南歸。月黑天高處，怎得見雁飛？」華羅庚的質疑，清楚表明混淆邏輯與修辭的區別。語言效果好不好，首先必須以符合邏輯為基礎（矛盾修辭例外）。文人擅於吹水，華羅庚的「質問詩」問得精彩。盧綸明顯患了邏輯混淆症，文采再好，卻經不起推敲。
鬍鬚曾的「最後階段」，忽然又「今朝都到眼前來」；明明已成為定局，卻愛整色整水──明明是一支色澤艷紅的玫瑰，你卻要把它放入糞池，然後再撈出來，笑吟吟的宣布：跌落了糞池的玫瑰，撈了出來，依然是玫瑰！冇錯，你試吓攞嚟送給曾夫人，睇吓有乜效果？