將於八月離任嘅科技大學校長朱經武曾經講過，香港只係佢第四個家，對香港嘅感情只係建基於科大和師生關係，香港人聽到難免心傷。
不過，香港道路交通標誌不清晰，就令朱校長又懼又怕，嚟港工作八年，都唔夠膽揸車，難怪佢對香港情感有差距啦。
路窄指示不清
朱校長尋日同我哋講，來港前在美國已經擁有駕駛執照，但香港與美國道路上落相反方向，道路又太過狹窄，所以佢怕怕。
佢仲話，喺香港揸車要好熟路至得，旨意路牌隨時要兜大圈遊車河，所以佢嚟香港咁耐都唔敢揸車，佢仲話好佩服日日接載自己出入科大嘅司機，話佢咁叻可以記得晒啲路。