- 2009年05月26日(二)
西九文化區管理局董事局尋日開會，成員之一嘅香港小交響樂團音樂總監葉詠詩喺會上踢爆，話獲得過二十一項格林美音樂獎提名、攞過兩項獎項嘅小提琴大師Pinchas Zukerman，同佢位大提琴家太太上禮拜嚟香港開演奏會，之後佢哋訂好晒商務客位機票，準備登機離港之際，因冇向航空公司港龍申報一個大提琴嘅尺碼而上唔到飛機，最終要勞煩到高層先搞掂件事。
佢話呢件事反映港人唔尊重藝術家，對藝術工作亦唔了解，仲話前線地勤人員其實可婉轉啲向當事人解釋，都好過一口拒絕唔畀人上機吖！
佢話香港小交響樂團以往坐港龍或國泰去日本同上海，都遇過類似問題。正如佢喺會上話，試問咁嘅情況一而再發生，西九文化區仲可以點搞呢？
| ||||||||||||||||
