【本報訊】留學生成為引發本港豬流感社區爆發的「流動疫彈」。本報連日來均強調海外留學生勢成將病毒「輸入」本港的關鍵，昨日終出現首名本港留學紐約女生成為第四名豬流感確診患者，並極有可能曾於社區「播毒」。有傳染病專家警告，留學生「帶毒」入港將陸續有來，強烈呼籲由高危地區回港的留學生做足預防措施，回港後應戴口罩七日，盡可能自我隔離：「市民唔做好本分，單靠政府一定守唔住！」
香港大學感染及傳染病中心總監何栢良指，專家及港府早已強調由美、加返港的留學生，必須對豬流感提高警覺，惟今次仍有染病留學生進入社區，認為患者以至其家人均有一定責任：「喺美國返嚟一定知豬流感好嚴峻，返到嚟唔舒服應該提高警覺，知道自己同台灣首名患者同機，更應知道有風險，就算自己唔睇新聞，屋企人都應該知。」
他指染病留學生進入社區三日始被尋獲，即使由出現病徵起計算，亦已在社區超過一日，不排除她已將病毒傳開：「最重要知佢做過乜，如果有去過尖沙咀、蘭桂坊同人飲嘢，或者同過朋友去唱K，咁社區爆發真係唔會遠。」