霍震霆部白色法拉利被發現裝有雷達探測器,探測警方影快相位置,即使法例容許,但佢係立法會議員就唔太合適,畀人感覺佢會經常開快車。
尋晚霍公子出席一個時裝展開幕禮後呼冤,話:「呢部機究竟係邊個安裝我都唔知,後生嗰陣時就話開快車啫,但我已經一把年紀嘞,都唔會開快車,莫講話開快車,平時連開車都好少,通常會由司機接載出入。」係咪三個仔是但一個裝嘅呢?佢誓神劈願話唔清楚,要返屋企追查過先知!
根據平時觀察所得,大仔啟剛對汽車要求唔太講究,好多時會借細佬啟山部平治房車出席重要場合,細仔啟人又有部寶馬房車接載女友人,所以啟山同啟人裝雷達探測器嘅嫌疑最大,但無論邊個裝都好,今次肯定令老竇感到尷尬。