用iPhone影相，影像質素其實都已經唔錯，但如果想玩多啲特效的話，買幾個外置鏡頭仔傍身就最好不過。惟一般外置鏡頭仔安裝唔太方便，新進手機配件品牌hvYourOwn剛推出的GoLensOn手機殼連鏡頭套裝系列就唔同，特別於iPhone殼上搞花臣，只需一秒就可以更換鏡頭，簡單好玩！

套裝內除專用機殼及鏡頭，還加送多一個透明手機套及Selfie鏡頭夾。

將鏡頭直插至機殼的凹位中即成，唔需要再校位，過程只需一秒。

GoLensOn Premium Pack跟上一支0.4×超廣角鏡及235°魚眼鏡。$229

GoLensOn Party Pack套裝內附四款鏡頭，分別係星光、火光、暈影及超廣角鏡頭。$229

GoLensOn Express Pack為最便宜套裝，跟上0.65×廣角鏡及微距鏡。$139

Premium Pack 0.4×超廣角鏡實試效果使用前

使用後

三色機殼兩款尺寸選擇

hvYourOwn GoLensOn手機殼連鏡頭套裝系列共分為三款，包括內置三支特效鏡頭（星光、火光、暈影）及超廣角鏡頭的Party Pack；內置0.4×超廣角鏡及235°魚眼鏡的Premium Pack，以及附上0.65×廣角鏡及微距鏡的Express Pack，每款型號都備有黑、粉紅及金色專用機殼選擇。尺寸方面，亦分成iPhone 6/6s及iPhone 6 Plus/6s Plus兩款，可因應自己需要選擇。廠方設想周到，除專用機殼及鏡頭仔外，還加送多一個透明機套及一個Selfie鏡頭夾，以備不時之需。至於專用機殼及鏡頭方面，係採用Flash-In技術，即是在機殼鏡頭位置之下加入一個凹位接口，一秒左右即可將hvYourOwn出品鏡頭插入凹位，更唔使開着手機慢慢調校鏡頭位置，比一般iPhone鏡頭仔好用。小記實際試用過0.4×超廣角鏡、星光及火光特效鏡，影像質素都相當唔錯，經常轉鏡都唔麻煩；而且手機殼用上防滑物料製造，唔易跣手！

查詢：3727 5200

文：Brian　

攝：Fanny