WISO護身哨子

近期頻頻傳出打劫事件，當然會令到大家人心惶惶。除咗要時刻保持警覺外，亦都可以靠吓科技新品保平安。好似呢款由台廠推出嘅WISO，緊急時可以吹哨子引起旁人注意，特別在可以與手機以藍芽配對，一吹哨子就會自動將所在位置傳送至預設嘅親友，亦可以選擇撥號、發SMS或電郵至緊急聯絡人，確保可以隨時通知身邊人。另外，WISO更提供隱匿模式，只要長按機身按鍵兩秒，就會撥出緊急電話或者發送所在位置的短訊及電子郵件，確保不引起目標人物疑心，非常貼心。