真骨雕網購搶錢

身為拉打迷，有邊個冇玩SHF呢條Line，當中嘅「真骨雕」版本更加係有買貴冇買錯，雖然價位高啲、生產時間又耐啲，不過質素真係高過主流嘅SHF，令拉打迷唔買唔安樂！至於最新一款嘅SHF真骨雕拉打，就輪到Kuuga Ultimate Form，造型真係完勝2010年版本，唔只身形比例以至肌肉線條更加擬人化，最抵讚係舊版本為咗遷就關節位，身上嘅金色線條變得斷斷續續；真骨雕版本既堅持高度可動性之餘，仲精心炮製關節造型，令全身嘅金線盡量保持完整。除此之外，附件唔只有五款造型手掌，仲有兩款頭雕，除咗常見嘅紅眼Look，仲有Godai「黑戰士」嘅黑超Look。可惜嘅係呢款新作成為首款以Premium Bandai網購方式認購嘅真骨雕，售價比之前「市販」嘅真骨雕拉打一定貴咗（除非唔係），拉打迷要畀心機收多幾封利是。