雖則仲有成個月先到情人節,但家陣諗定禮物都係時候喇!耳機潮牌Monster同本地人氣插畫家林皮合作,推出情人節禮盒套裝,仲要全港限量100套,激罕!套裝入面有DiamondZ耳機、Flying Sofye攬枕及手挽袋,隨禮盒更附上Flying Sofye情人節卡。DiamondZ外形閃爍動人,感覺奢華,佢採用了獨有的Pure Monster Sound技術,提供柔和中音及強勁低音,而耳罩部分係柔軟的皮革,佩戴舒適,隔音效果出眾。不單如此,耳機的兩側接口均提供輸出功能,可以再接一副耳機,兩個人一齊聽情歌。

Monster DiamondZ情人節禮盒套裝 $3,280(本月28日起發售)

套裝包括人氣插畫家林皮主理的Flying Sofye攬枕。

附送的手挽袋勁啱女生用。

SportClip採用一體式線材設計,耳塞可以緊貼耳窩,運動時亦不易鬆脫。 $990

三間聯乘跑友耳機

提起Monster聯乘耳機,仲有這款同adidas合作的adistar藍芽無線入耳式運動耳機,佢防水防汗,內置Pure Monster Sound技術加強音樂節拍,更支援藍芽及aptX技術,將無線傳輸時的音質失真減至最低。另外,耳機採用緊貼耳窩及隔音的SportClip耳塞之餘,亦備有ControlTalk咪高峰,方便隨時通話;其使用時間長達5小時,比賽、練習都合用!

查詢:2998 3974

文:Alfred