Sugar C-88 Dual好皮氣

Sugar繼上個月推出「薄切」Sugar S手機之後，最近再有新作C-88 Dual登場。有別於以往機背設計，新機改用仿皮物料，配合細緻紋理、菱格壓紋及玫瑰金配色，同女士們名貴手袋極襯！Sugar手機以閃石起家，C-88 Dual當然繼承傳統，機側兩邊鑲嵌上82粒Swarovski Zirconia人工寶石。功能方面，C-88 Dual搭載前後置800萬像素鏡頭，除了滑膚、大眼、瘦臉等設定，更新增自拍補光功能，原理係自拍時將屏幕大部分位置都轉為淺黃色，於低光環境裏就可以照亮人臉，自拍控必備。順帶一提，廠方仲提供「男朋友服務」，Sugar機主可以預約專人上門將舊手機的資料同聯絡人過落C-88 Dual，就連備份即時通訊Apps都得，換手機就唔使再靠男士。