高速烹調機　18種功能煮大餐

「煮」人們都希望有個又大又靚、廚具擺放得井井有條的廚房，可惜屋企只得豆腐膶咁細，放得落飯煲、微波爐，又擺唔落焗爐、攪拌機。近日推出的HOMEY「廚王」高速烹調機，號稱能包辦煎炒煮炸燜燉焗，一機在手，炮製主菜、鹹點、甜品都冇問題，還可以為蝸居慳番唔少空間。

HOMEY廚王高速烹調機
建議零售價$4,388

Whitford塗層內鍋厚3mm，選用鋁金屬製造，塗層經美國食品和藥物管理認證，不易黏底，能烤煮、燜肉，甚至煲薑醋都得。

發熱底板可以郁動，烹煮時食物會隨內鍋搖動而翻滾，令受熱更平均。

頂層內蓋板達3mm厚，能抵受高溫氣壓。周邊以矽膠密封免漏氣，令食物營養不會流失。

Whitford塗層內鍋底有鑽石橫紋，有助平衡鍋內溫度。

屏幕上的功能鍵一目了然，操作簡單，烹調後更有自動排氣收汁功能，並有24小時預約模式。

304不銹鋼內鍋，厚3mm、重1.8kg，號稱永不變色和不易刮花，可用來做爆炒或作湯鍋，另附有鍋蓋，煮好後蓋上蓋直接上枱，夠晒方便。

即場試用！
烤焗排骨

白酒煮青口

蘿蔔燜牛腩
時間：25分鐘
效果：利用Whitford塗層內鍋按Stew模式，爆香調味料後放入蘿蔔和牛腩，以150℃烹煮。待自動排氣收汁功能的綠燈消失便完成，蘿蔔夠入味，牛腩亦軟腍。

炸蝦
時間：4分鐘
效果：選用304不銹鋼內鍋，按Fry模式，以150℃加油烹煮，想快一點熟，可把煲蓋關上，不用5分鐘便能將蝦炸得金黃。

外形跟電飯煲相若的高速烹調機，由本地家美牌HOMEY推出，當中最特別的設計，要數首創懸浮式加熱技術，即烹煮的時候，內裏的氣壓配合機底可作不同方向郁動的發熱底板，令食物隨內鍋搖動而翻滾，熱力更平均滲入，亦有助保留食物本身的水分和營養，以煮米飯為例，其高溫加熱能逼出米粒中的澱粉質，入口味道更甘甜。而關機後，其加熱系統的功能會維持一段時間，以保持食物的溫度。

爆炒貝類食物都得

跟一般廚具略有不同，此烹調機備有兩個不同物料的內鍋，純黑色的Whitford塗層內鍋以鋁金屬物料製作，聚熱力強，標榜不易黏底，煎牛扒、雞翼冇難度，即使烹煮酸性的食物，例如煲薑醋都冇問題，而鍋底的鑽石橫紋則讓熱力沿着坑紋移動，令食物受熱更加均勻。至於另一個爆炒及煲湯均適用的304不銹鋼內鍋，重1.8kg，分量十足，據說永不變色且不易弄花，就算爆炒貝類食物也不怕造成磨損，另外還可當油炸鍋使用，而鍋蓋則可以在煎煮時為食物加熱或保溫。

24小時預約定時功能

其他功能方面還包括基本的煮飯、煲粥仔、煲仔飯、烘烤、燜、燉、蒸或煲湯等，其他還有意粉、蛋糕、煎炸和酸奶等18種煮食功能。高速烹調機原理有如壓力煲，因此當烹調完成，須待排氣掣的綠燈全部熄滅，代表壓力已排出鍋內，才可把蓋打開。知大家忙，此機又設有24小時預約定時功能，按時烹調，返工返屋企前放入材料再按個掣，放工就有得食，慳番唔少時間。