講起聖誕，你會覺得邊種顏色最有代表性？相信唔少人都會認為非紅即綠，又或者加少少金銀點綴吧！Nike Basketball就走出傳統框框，喺今年聖誕炮製出冰火互撞嘅盛宴，將代表冰雪嘅白與藍，以及喺烈燄中湧現嘅紅與黑，融入旗下嘅四大Signature Shoe系列—LeBron 13、Kyrie 2、KD 8與Kobe X之中，為球迷送上非傳統嘅聖誕「大餐」，功能上同你啱唔啱Key，就要着上腳先知，但係論賣相，新鮮感一定冇得輸。

LeBron 13“Fire and Ice”　$1,599（本月26日上架）

喺透明藍嘅獅子頭鞋帶扣底下，印有既代表聖誕燭光，又係LeBron鬥心寫照嘅火燄圖案。

四款“Fire and Ice”特別版嘅鞋籠，都有精緻嘅雪花圖案。

5. Kyrie 2 “Fire and Ice”　$899（本月26日上架）

留意外底唔只用咗透明設計，兩側仲設計成弧形，係新Kyrie嘅最大功能特色，有利Kyrie Irving最擅長嘅急速轉向。

KD8 “Fire and Icece”
$1,299（本月26日上架）

Flyweave鞋面用上雪火交雜嘅顏色設計，對比分外強烈。

Kobe 10 “Fire and Ice”$1,399（本月26日上架）

鞋尾上嘅五隻冠軍指環，寫明咗Kobe喺NBA舞台上嘅豐功偉績。5

藍冰配色 寒風刺骨

今年嘅Nike Basketball聖誕特別版鞋款以"Fire and Ice"為設計主題，當中LeBron 13與Kyrie 2屬於冰極陣營，先以前者為例，冰藍色調嘅設計靈感，來自美國中西部嘅凜冽寒冬，點解要揀中西部？LeBron James嘅出生地，以及依家効力嘅Cleveland Cavaliers，正正就係位於中西部嘅俄亥俄州。陣陣寒意不只於此，因為獅子頭嘅透明鞋帶扣都選用透明藍，而鞋尾嘅「13」字樣亦以碎冰紋理托底，點只So Cool，簡直係Very Cool！至於Kyrie 2就以雪人作為配色靈感，於是用咗淺藍與白色組合，加埋外底嘅透明設計，冰感程度不遜於LeBron 13，細心嘅話就會發現橫跨鞋面嘅搭帶表面壓印咗鋸齒形圖案，用以代表牙齒，似乎係向Kyrie 1致敬，事關後者嘅中底兩側亦都有鋸齒形圖案。

紅黑組合 火氣大盛

另一邊廂，屬於火燄陣營嘅KD8用咗鴛鴦色設計，鞋身外側係代表下雪嘅純白色，而內側以至鞋舌就係紅黑雙色，寒天之下，圍爐取暖時唔只有火燄嘅紅光，仲有黑沉沉嘅煤炭，除此之外，整個中底以至鞋尾嘅穩定器都有龜裂紋理，靈感嚟自煤炭燃燒時嘅爆裂效果。至於同屬聖誕版嘅Kobe 10就更有「火氣」，事關由鞋面到鞋底都由紅黑雙色組成，絕無半點白色混雜其中，而鞋舌上嘅個人標誌，以至鞋側嘅Swoosh商標，選用既貴氣，又有節日氣氛嘅金色，不過講到最有意思嘅地方，莫過於鞋尾嘅五隻金色指環圖案，代表Kobe Bryant五奪NBA冠軍嘅光輝戰績；Kobe講到明，今季係佢最後一個NBA球季，無論你鍾唔鍾意聖誕節，但係作為Kobe死忠，見到呢個冠軍指環圖案，仲可以對Kobe 10 "Fire and Ice"忍手嗎？

查詢︰2520 0771（灣仔莊士敦道Nike Basketball Store）

文︰Dick

攝︰Fanny、Homan