芝士撻的熱潮冇停過！有芝士撻的地方就有人龍出沒，香港人為了食到芝士撻，排足個半鐘都冇怨言，就足以證明其威力！在太子新開的Oscar Bakery亦加入芝士撻戰圈，用了5種法國芝士取勝，「芝」味沒法擋！

89℃流心芝士撻 $18
用了5種法國芝士混合而成，製作時需要小心控制芝士的溫度，才可以令芝士餡又滑又夠流心。

流心牛角酥（榛子味） $18
餡料唧入重複折疊過千層的牛角酥內，一咬先有酥皮的脆，然後又有陣陣牛油香，隨即有香滑榛子忌廉餡，好滿足！另有藍莓口味。

蝴蝶酥 $28
一口Size的蝴蝶酥要分兩日才完成製作，交錯的摺法令蝴蝶酥更酥脆。

各式麵包 $6-$28
法包用了法國麵粉製作，發酵兩次後再焗。法包的氣孔又大又多，再拌入藍芝士或香草等增添味道。其他麵包用了日本麵粉及韓國麵粉製成，做出來的麵包分外鬆軟。

將推抹茶口味

Oscar Bakery有兩位自稱全港最「流」的師傅主持大局；「流」，流心也。「89℃流心芝士撻」用了5種法國芝士製作而成，當中有偏酸的並帶有檸檬香的芝士，可以消減滯膩感。以89℃為賣點，原來是指在製作芝士餡時，師傅會將其中兩種芝士加熱至89℃，其餘3種芝士則加熱至34℃，然後將兩者混合並維持於30℃。以溫度控制的方法，可以令芝士餡處於極流心狀態。嫌原味芝士撻太普通？小店稍後推出抹茶芝士撻，更將紅豆製成流心餡，講起都想食。小店另一款「流」到不得了的「流心牛角酥」，有藍莓及榛子兩種口味。師傅將麵糰重複折疊過千層，再加入榛子及以新鮮藍莓與忌廉拌勻的餡料。新鮮出爐的牛角酥脹卜卜，一咬又見流心餡料，一啲都不Dry。

Shop Info

Oscar Bakery

地址：旺角太子道西157號

別樹華軒地下15號

電話：2706 0229

文：Jessie Tam

攝：Homan