Lenovo P1 電量制霸

手機電池續航力一直都係用家關注嘅項目，坊間Smartphone一般使用時間都係六至八粒鐘，放工時段都差唔多要為電量補給一下。想用足全日的話，大可考慮Lenovo新推出嘅手機P1，皆因此機內置5,000mAh電池，廠方表示可持續運行81小時，夠晒長氣！

Lenovo P1 $2,499

機身備有5.5吋屏幕，解像度達1,080p。

機背呈弧形設計，提升手感。

提供金、銀兩色，留意金色12月先賣街。

支援雙卡雙待功能，方便外遊及公幹之用。

備有一系列濾鏡效果，拍攝自然更有趣味。

內置《茄子快傳》，可將檔案傳送至使用同一App的用家，更加直接。

介面經過調校，狀態欄增設多個快捷鍵，操作方便。

支援火箭快充

Lenovo P1最大賣點當然就係電池容量大得驚人，內置5,000mAh電池，比一般智能手機3,000至3,500mAh電池大一截。據廠方數據指，P1可以運行81小時，持續通話時間亦長達44小時；而且支援「火箭快充」技術，只要配合跟機嘅24W大功率充電器，充電5分鐘就可以通話3小時、充電1小時就可以將電量充至67%、2小時即能完全充滿電量；少少時間就可以幫手機電量補給，相當方便。值得一提，機身左側仲設有一個實體按鍵，一推即可啟動「終極慳電」模式，電池效能即時Double Up。

金屬機身略重

設計方面，P1用上傳統直板圓角設計，其金屬機身並提供金、銀兩色，美中不足係機身重量達189g，跟同級產品一比，則嫌略墜手。此外，機面下方加設指紋辨識器，屏幕關閉下手指一壓即可為手機解鎖，實測反應靈敏。至於規格則屬中階，內置Qualcomm Snapdragon 615 1.5GHz八核處理器及2GB RAM，而且更內置32GB ROM，並支援microSD記憶卡擴充，裝幾多Apps、音樂、相片都冇問題。