眾星造勢 神秘波Boot預告

adidas Football今年都算大動作，大刀闊斧收起咗Predator、F50、Nitrocharge及11pro，改用Ace 15、X 15及Messi 15接棒，玩到咁大，下年會唔會無以為繼？少擔心啦，三間牌仲有大把好牌喺手，多位adidas嘅代言球星，例如奧斯爾、奧斯卡、湯瑪士梅拿及占士洛迪古斯等人，最近喺Facebook及Instagram紛紛上載新相，位位都拎起一對全黑色嘅波Boot入鏡。呢款新波Boot邊日推出、賣幾錢、有咩特別功能，統統唔知，只知喺明年先會正式出場，現時仲係測試版本，驟眼睇，鞋身主體似乎以Ace 15 Primeknit為設計基礎，最特別係唔用鞋帶，以及升高咗嘅鞋領，而整個鞋面都係一幅過嘅Primeknit物料無縫織成，預期喺貼腳度與舒適度會帶嚟驚喜。到底真相如何？要等下年先有望揭盅了！