LEGO忍法大會戰

LEGO嘅大世界包羅萬有，唔只警局、火車、穿梭機、城堡、星戰以至Avengers，就連忍者都玩埋一份，「Ninjago旋風忍者」嘅正邪對決，精彩程度絕對唔會輸畀《火影忍者》！Ninjago最近新增咗三款Boxset，分別係Jay Walker One（70731）、Master Wu Dragon（70734）及Airjitzu Morro Flyer（70743）。先以70731為例，雖然正派中人只得阿Jay一個，要獨力對付Bansha、Ghurka及Wail嘅幽靈武士三人組，不過隨盒有Jay Walker One戰車幫助，屈機嗰個係阿Jay先啱。嫌唔夠多嘢玩嘅話，大可選擇70734，Minifigures有成五個咁多（Master Wu、Cole、Bow Master Soul Archer、Ghost Warrior Pitch及Ghost Ninja Hackler），仲有造型傳神而且關節多多嘅神龍壓陣，幽靈忍者又點會係對手。至於70743就別具玩味，Boxset唔只有忍者Airjitzu Morro，而且附有旋轉手柄，可以將Airjitzu Morro連同螺旋翼彈射起飛，正好與同系嘅其他Flyer角色比併一番。