扑碎韓食創意鐵錘料理

近年新派韓國菜當道，半年前，鐵剷芝士排骨風頭一時無兩，最近在上環新開業的119 Plus又帶來新玩意，趁鐵錘炸醬麵因韓國人氣綜藝節目《Running Man》而爆紅，新店實行「玩完鐵剷玩鐵錘」，引進並自創出多款Fusion鐵錘料理，拿着錘仔將金黃脆皮逐個扑碎，新鮮感爆燈！

鐵錘海鮮意大利飯 $138
一破開便見有大蝦、帆立貝、青口和蜆肉，分量十足，以韓式鐵錘料理演繹西式意大利飯，絕對是有趣的Crossover。

鐵錘炸醬麵 $118
韓式炸醬麵底由自家製醬汁調配，味帶輕辣，加上豬肉碎、洋葱、甘筍、芽菜等配料，伴酥皮同吃，風味十足。

大鐵錘班戟 $108
外層脆皮有別於酥皮，特意用早餐脆米混合糖漿做成，搭配帶士多啤梨、藍莓、菠蘿等鮮果甜香的奶油班戟就更搭調。

紅塔鵝肝 $128
濃郁軟滑的鵝肝配以爽脆泡菜和清甜番茄，三種食材同放入口，吃到鵝肝香味之餘，同時消減了膩滯感。

香腸會舍 $168
除了主角雞肉腸、昆布蘭腸和牛肉腸，還有配薯條或香腸皆宜的特製韓式辣醬，混有茄汁的酸甜，同朋友Share小食多滋味。

Diana和夥伴們一同將韓國的鐵錘料理引入到港，相信又會掀起一股熱潮。

新店最有噱頭的，當然是各式鐵錘料理，表面是一扑即碎、用粟米粉自家炸成的酥皮，入口香脆，撈汁食更加滋味。用特製的紅鐵錘狂敲食物，記者還是第一次，感覺很有新意，更乘機起勢敲、發洩一下鬱悶情緒呢！特別推介鐵錘海鮮意大利飯，金黃圓拱酥皮內有大大件海鮮，如大蝦、帆立貝、青口和蜆肉，加上忌廉芝士與飯同煮，成為韓日Crossover的意大利飯。另外，鐵錘炸醬麵和鐵錘熔岩天使麵亦很受歡迎，不過除了酥皮外，一道大鐵錘班戟更是特別，外層脆皮是用早餐脆米混合糖漿改良而成，相比起酥皮，味道與Creamy中帶鮮果甜香的美味甜品更合襯。

清新不膩鵝肝塔

除了一系列鐵錘料理外，店內還有大量融合各國特色風格的菜式，給人耳目一新的感覺，好像一道紅塔鵝肝，將本是法國菜常客的香濃鵝肝，配搭爽脆韓國泡菜和清甜番茄，不失鵝肝香味之餘，食落清新不膩。另外，分別有雞肉腸、昆布蘭腸和牛肉腸的香腸會舍，亦盡見德國菜以香腸為主菜的特色，配以特製韓式辣醬，如此組合既新穎又配搭。飲品方面，有在韓國Max啤酒上加入台式飲料常見的忌廉奶泡的119 Cream Beer，啤酒入口滑溜無比，而且更甜更香，適合女士品嘗。