前英超球星出手撐《足球大師》

鍾意玩手機足球遊戲的朋友，家陣又多一個選擇。Gameone代理的《足球大師》獲「FIFPro」正式授權，收錄超過六千名世界知名球星，並且用上繁體中文介面，係人都識玩！加上廠方利用動態擷取方式來繪製球員動作，連香港兩位遊戲代言人、球壇名宿李健和同埋丘建威都有份參與動態擷取。玩家在遊戲內要「一腳踢」管理球隊，由戰術排陣、買賣球員到增加收入都絞盡腦汁，要抽到美斯、C朗拿度就靠運氣，反觀在比賽期間的換人調動、轉戰術等等就講究玩家的臨場發揮！《足球大師》另一夠「爆」是請來科拿、路爾斯加西亞等前英超球星主持遊戲上架儀式，手機遊戲真係少有咁大陣仗！