首爾人氣Select Shop 韓迷去晒未？
雖然不少上位韓國潮牌都早已衝出本土，於亞洲地區如台灣及香港等地開枝散葉，但韓迷還是愛定時定候飛抵首爾朝拜，其實韓國本土有不少具指標性的時裝Select Shop值得巡下，如果你係韓系造型粉絲，以下介紹嘅幾間潮店你去晒未先？
MUE外牆設計極像一所Museum。
地庫主打女裝服飾。
10 Corso Como Seoul外牆以玻璃營造出透視空間感。
地下設有Cafe可以慢慢嘆咖啡叉叉電。
店內擺設極盡前衞。
（右）店主Kwon Da Mi（權多美）與親細佬G-Dragon（權志龍）。
店舖細細但入嘅品牌一樣有睇頭。
呢件土豪金恤衫早前G-Dragon着過o架。
Common Ground由工業味極濃嘅藍色貨櫃組合而成。
中間空地位置不時會舉辦街頭活動，如BMX單車表演。
MUE 「韓版連卡佛」
於首爾清潭洞開業至今超過10年的MUE可算是「韓版Lane Crawford」，樓高三層的它，男裝及女裝分別佔據地面及地庫，一眾歐美頂級時裝寶號如：Lanvin、THOM BROWN、Saint Laurent及Valentino全部都有引入，而頂層則是近兩年才開業嘅MUE Loft，主打更年輕前衞的新進時裝品牌，當中包括現時人氣極高的中國時裝品牌XANDER ZHOU（周祥宇）、日本新世代Hi-Street代表PHENOMENON及岩谷俊和主理的DRESSCAMP等等，而店內亦定時舉辦不同時裝活動，於韓國時裝界地位舉足輕重。
地址：首爾市江南區清潭洞93-6
查詢：（82）234 468 074
10 Corso Como Seoul 睇衫兼睇設計書籍
2008年開業的10 Corso Como Seoul是繼意大利米蘭總店及東京首間分店後第三間10 Corso Como，亦是最多港人會到訪的Select Shop，店舖裝潢以玻璃營造出透視空間感，各種圓形圖案遍布店內，多層空間除發售不同風格的時裝服飾及潮流單品外，更有齊各種藝術及設計書籍，啱晒一班朋友去，購物狂可以慢慢血拼，文青則可以睇書，行到攰仲可以去底層Cafe嘆杯啡食件Cake叉叉電。當年「江南大叔」PSY拍攝歌曲《Gentleman》MV時，就曾於店內取景，時尚地位不言而喻！
地址：首爾市江南區狎鷗亭街416
查詢：（82）230 181 010
Rare Market GD家姐做老闆
於去年開業、坐落於MUE店旁的Rare Market亦是另一間人氣極高的Select Shop，原因唔係因為店內有好多獨家正貨（雖然最新最紅嘅品牌都真係有引入），而係因為主理人Kwon Da Mi（權多美）正係G-Dragon（權志龍）家姐，雖然店內主打女裝，但Markus Lupfer、OFF-WHITE及House of Holland等等人氣男裝亦坐鎮店內。姐憑弟貴，Rare Market亦得YG（GD所屬公司）旗下藝人支持，不時到店內掃貨，令此店人氣十足。
地址：首爾市江南區清潭洞95-5
查詢：（82）251 234 33
KWIN 潮星經常現身
睇完兩間大型旗艦店，跟住就睇番間細少少嘅Select Shop，呢間KWIN隱藏於鬧市之中，有齊韓國KYE、英國KTZ及芬蘭Daniel Palillo等等多個時裝品牌，同時鞋履配飾亦一樣包攬。據稱韓國巨星包括Big Bang、2NE1同李孝利等都會去入貨，睇衫之餘仲可以睇星。同時此店更有線上購買服務，錯過店內入手機會仲可以網上「補飛」，夠晒貼心。
地址：首爾市江南區新沙洞529-61
查詢：（82）254 079 88
Common Ground 潮人打卡地標
最後要介紹的就係於今年4月先開業嘅Common Ground，由一大堆藍色貨櫃組成，工業味甚濃。正確啲講Common Ground並唔係一間Select Shop，而係由多個不同區域組成的購物商場，當中包括Market Hall、Street Market及Food Truck Market等等，主打新世代潮人街牌如：New Era及Vans，提供一站式購物飲食娛樂，場內亦不時會舉行一些街頭文化活動，係首爾最新潮人打卡地標！
地址：首爾市廣津區紫陽洞17-1
查詢：（82）246 727 47
文：Pasu
圖：互聯網
