最近的電視劇中，胡杏兒的角色令大家對於視障人士的生活了解了不少，我這樣說不是因為我有煲，老實說家中有小孩的我不多看電視，一集也沒看過，而是因為身邊的同事和朋友都有不斷的講劇情：「原來睇唔到嘢嘅人都會煲韓劇（o架）！佢哋會聽（o架）！」「原來盲人都會化妝（o架），只要摸住自己塊面就會化到！」「原來佢哋好想食Food Court（o架），不過冇人帶佢哋去佢哋就去唔到之嘛！」看？我是不是也像有份天天在家中煲劇一樣？不過這樣也好，一套電視劇集可以令大家提升對弱勢社群的關注！在節目訪問中和一位視障人士及社工談過，問及電視劇出街後，有否帶來甚麼改變？他們說有，不少路人看見視障人士在街上時，會主動走過來問：「你哋係咪真係好似電視劇咁講，會煲劇（o架）？」雖然未至於令義工人數急增，但至少多了關心視障這一群的人。我也好奇，問視障人士J，真的會煲劇嗎？有看《陪著你走》嗎？他說：「有啊，間唔時都會睇電視！」我心中一愣，他說「睇」嗎？在視障人士面前不是不該說「我睇到乜乜乜」嗎？他自己都說「睇」？我忍不住問了：「你哋都會講『睇』電視（o架）咩？」年輕的J說：「係呀，其實老一輩嘅視障人士先會講聽電視，我哋呢一浸依家都照講睇（o架）喇，其實唔使特別避忌，當我哋係普通人一樣就得（o架）喇！」

最後的那一句，收到了嗎？（明天續）