Letv新4K電視盒子 半年試用免費睇

Letv取得未來三季英超播映權，將來睇英超最簡單方法就是購買Letv新推出的Le TV Box 4K標準版電視盒子，有興趣的話，記得上網預訂。其實Letv在個多月前已推出一款配備香港版UI的PRO版（4K加強版）電視盒子，當時以$599包半年月費作招徠；今次就以「零蚊狂睇」方式來撐Le TV Box 4K標準版，首半年試用期只需付出$399按金即可任睇，如果啱睇，不取回按金，即可免費睇多六個月香港版UI內容，即係話畀$399就可得到電視盒子加睇足包括4K影片在內的全年內容！當然，標準版4K電視盒子跟PRO版有所分別，機身較細小，並剔除SD卡槽及降低音效規格，不過對於一般家庭用戶來說，其差別不大。至於英超月費幾多錢？暫時Letv未有公布，不過現時香港版UI已引入CBS RTL Extreme HD頻道，亦有最新一季劇集《House of Cards》、《Limitless》及《The Affair》等高質內容，都有一定叫座力！