西方人煮亞洲菜，味道從來只有西方人自己才懂欣賞，但以亞洲為主題的設計則經常叫人耳目一新，位於荷蘭阿姆斯特丹Bilderdijkstraat區的Happyhappyjoyjoy餐廳，開業只有個多月，由荷蘭設計公司Concrete全力打造，室內布置以泰國、韓國、中國等亞洲國家為主題，霓虹燈籠罩下分為餐廳、酒吧、Cafe等5個覓食區，當中從天而降的大紅紙傘、寶珠姐年代的老照片，還有韓國風的清雅Cafe都融入設計中。以為好九唔搭八？看圖片你就知其實入型入格，食物方面當然以亞洲菜為主，蝦餃燒賣、XO醬炒蝦、Pad Thai等，不過山長水遠去到阿姆斯特丹食亞洲嘢，好講唔過，不如叫杯啤酒吃碟小食，慢「味」人家有心思的建築同設計好過喇！

將這個設計搬入茶樓，甚有睇頭。

半開放式廚房的餐廳，幸好中文字不是簡體。

桌上的木筷子及膠櫈，好有大牌檔Feel。

網址：happyhappyjoyjoy.asia

文：Company Man