q-JAYS換線耳機

瑞典耳機品牌JAYS最近推出高階q-JAYS系列耳機新品，其實q-JAYS早於2007年登場，仲贏得多個設計大獎，而今次作品正正係第二代，耳機手工可算見盡心思，外殼用上不銹鋼金屬，拋光後加以噴沙（Sandblasting）處理，形成獨特嘅磨沙質感。此耳機最大賣點係可更換線材，線材採用全球最細嘅螺旋紋鍍金SSMCX連接器；內線仲用上高純度銅線及Kevlar人造纖維，配以線身的高彈性TPE物料，夠穩定又耐用。q-JAYS除咗可當一般耳機使用，亦可另配三鍵式遙控器，傾電話或者「煲粥」就更加方便。