又到講大道理嘅時候啦，其實揀袋呢家嘢，有時就好似揀老婆/老公一樣大有學問，外表麻麻的固然唔多好，但空有外形而無真材實料者亦同樣乏味，總之要做到內外兼備先至係正貨！

上述條件，假如放諸於選擇另一半的話就當然要睇彩數，可遇不可求，但應用在揀袋之上，就簡單得多，易過食生菜！好似近年愈來愈講求Functional和Detail的本地品牌ad-lib，最新推出了一款名為Pack n' Go的包包Collection，系列款式多樣，大至背囊、旅行袋，小至散紙包都有，外形夠晒Minimalism外，亦備有黑、深藍兩種Color以供選擇。至於實用性方面，這批產品同樣精彩，背囊配備多種間隔（特別為Laptop而設嘅暗格），收納量極大，堪稱整個Pack n' Go系列中最矚目的產品！而且所有包包均用上Cordura布料製造，具防水功能又輕身，仲出名耐磨耐用添，實在抵讚，今個夏天，就算搵唔到Dream Girl，都起碼搵到Dream Bag了！