雖說韓風之流氣勢無早前咁驚天地泣鬼神，但爛船都有三斤釘，就算唔係狂風烈風級數至少風力保持強勁，你睇Big Bang五子一有新歌Plug，K-Pop韓迷都會繼續為其歡呼捧場，就知韓潮包括音樂、時裝及飲食仍然撐得穩。韓國紅星衝出本土擔任不同地域品牌代言人早有所聞，近日台灣潮流品牌STAYREAL為慶祝成立8周年，亦特別邀請韓國搖滾樂團CNBLUE擔任亞洲區品牌代言人，如此雙贏局面相信兩個單位粉絲都樂於看見！

CNBLUE成為STAYREAL亞洲區代言人
（左一）低音結他手李正信演繹街頭搖滾風格的「黑色幽默」Print Tee $399
（左二）隊長兼主音鄭容和演繹迷幻搖滾風格的「專鼠搖滾」Print Tee $399

買齊佢身上套Outfit都所費無幾，最開心嘅應該係Fans。

着住成套Saint Laurent影宣傳硬照幾畀面。

識得搵Angelababy代替全智賢拍住金秀賢做代言人，贏盡中韓兩地粉絲歡心。

STAYREAL × CNBLUE 4個靚仔 4種風格

韓國娛樂公司FNC Entertainment旗下出道僅5年的搖滾組合CNBLUE（Code Name BLUE），其隊名BLUE分別代表了四位團員不同個性，分別是Burning（李宗泫）、Lovely（姜敏赫）、Untouchable（李正信）及Emotional（鄭容和），音樂類型主打K-Rock搖滾風格，是次出任STAYREAL代言人，品牌方面更為四人分別創作切合其形象的個性Tee，由四子演繹出韓風格調的服飾。

文：Pasu

BSX × G-Dragon 粉絲必跟

台牌就搵來韓星演繹，而本港年輕潮牌BSX，喺香港就先後搵過MC Jin（歐陽靖）、周柏豪同連詩雅作代言人，但講到話題性就點都唔及上年搵G-Dragon擔任代言人（只限韓國）咁震撼！你諗下平日唔貴唔着，件件唔係Saint Laurent、Givenchy就係CHANEL嘅G-Dragon，竟然着住你同我都買得起嘅BSX，作為「龍哥」粉絲嘅點會唔開心？相信唔少人見到海報應該會撲入BSX跟住「執一Set」着上身。

周大福都要Mark住龍哥

同樣地，本地知名金飾品牌周大福去年亦唔執輸搵咗G-Dragon聯名，推出一系列由其設計的金鑽配飾，「龍哥」雖然唔係品牌代言人，但亦好畀面咁着住成套Saint Laurent影宣傳硬照。話題係有嘅，但實際催谷生意呢……唔……你有無因為咁買多咗金？

Samsonite × 金秀賢 中韓通殺

憑住一套《來自星星的你》人氣爆燈嘅金秀賢，去年亦得到美國旅行箱品牌Samsonite垂青，搵佢擔任旗下年輕支線RED系列代言人，個人觀感係佢形象同品牌設計都頗為合襯，感覺好似無咁Hard Sell，品牌方面亦搵埋Angelababy取代全智賢同佢組成一中一韓代言組合，目標明確殺盡中韓兩地所有男女粉絲。

查詢：2322 1560