勁食！海鮮盛宴

清新海鮮最啱夏日品嘗，然而海鮮的價錢絕不便宜，與其就住食，不如幫襯以海鮮為主題的自助餐，食得更暢快。富豪香港酒店御花園咖啡室正推出「百味海鮮」自助晚餐，大廚將各式生猛海上鮮炮製成頭盤、熱葷等，一個價錢任食，絕對划算。

開邊龍蝦是任食海鮮拼盤中最受歡迎之選，龍蝦肉質鮮嫩，鮮甜味美。

泰式青杧果蝦沙律
酸甜青杧果粒配搭彈牙爽口的蝦肉，色澤鮮艷、清新醒胃，必吃頭盤推介。

香茅甜辣椒醬油火燄三文魚
肥美三文魚配以富檸檬香氣的香茅，以及刺激味蕾的甜辣椒醬油汁，十分惹味。

煎半殼帶子配金桔薑沙沙醬
大大粒香煎帶子，配以清爽沙沙醬和金桔薑，爽甜鮮味，令人吃不停口。

朱古力噴泉
自助餐甜品區必備之甜品，生果、棉花糖等沾上暖暖的香濃朱古力醬，香甜滋味，小朋友至愛。

餐廳供應的甜品選擇可不少，杧果拿破崙蛋糕、美式芝士蛋糕都是食客們的必吃之選。

咖啡室搜羅了各國海鮮作菜，東瀛代表有日式鮑魚海藻沙律、席切原條油甘魚刺身，以及各式刺身壽司。刺激醒胃的香茅甜辣椒醬油火燄三文魚則甚富泰式風味。至於任食海鮮拼盤則是必吃之作—開邊龍蝦、鱈場蟹腳、凍蝦、翡翠螺及青口等，鮮味滿瀉，加上上湯龍蝦箝和即燒帶子等，令海鮮迷吃不停口。「芝」味香濃撲鼻的蒜蓉芝士焗大蝦，以及幼滑濃郁的海鮮龍蝦菠菜濃湯配咖喱忌廉等，亦不容錯過。