暑假，小朋友終於可以暫時放低書包，好好享受假期。不過對於一班動漫界的卡通人物來說，暑假卻是最繁忙的日子。各卡通人物都爭取機會與「粉絲」們見面，繼薯蛋頭、比卡超及幪面超人之後，今次輪到陪着不少80後成長的蠟筆小新登場！小新今次由日本親自飛到香港，原來是富山麵家（Ramen Iroha）為他大搞生日派對，讓「壽星仔」食住拉麵過生日！

我蠟筆小新25歲仔嘞！快啲嚟同我食拉麵慶祝生日啦！

激辛味噌半熟蛋拉麵 $95（標準）、$105（大滿足）
用日本山椒粉炒成辣肉味噌，香濃惹味，拉麵亦備有4款辣度選擇。

黑醬油半熟蛋拉麵
$85（標準）、$95（大滿足）
湯底用上雞骨、豬骨、旺菜、昆布及鰹魚等材料熬4至5小時，再以沙甸魚提煉而成的醬油提味，湯底濃而不稠。

店家推出一系列小新25周年限定紀念品，包括「蠟筆小新×富山麵家拉麵碗」（$130），以及蠟筆小新公仔（$69）。

富山餃子 $38
餃子每日在店內用人手包製，有椰菜豬肉作餡料，外皮煎得香脆。

「蠟筆小新×富山麵家環保袋」 $130
買完拉麵碗及公仔，再買小新環保袋將紀念品袋好帶返屋企。

人人都叫他做蠟筆小新的野原新之助，在漫畫中永遠都是一個只得5歲的幼稚園小朋友。但在現實生活中小新已經25歲了，一班粉絲絕對是「睇住佢大」。為了慶祝蠟筆小新25周年，銅鑼灣的富山麵家由即日起至9月30日，化身成蠟筆小新限定店。門口掛着小新旗，餐廳的牆身掛上海報、枱面又換上小新的枱墊，連筷子套、餐牌、店員的制服也鋪天蓋地全部都是小新的嘜頭，簡直是無處不在。無論在任何一個角度影相，小新都必定入鏡，最啱放上網跟朋友Share！

必買限定紀念品

在限定期間，店內的所有拉麵都會換上限定版的拉麵碗盛載，要數最「卡哇伊」的必定是每一碗拉麵都會放上一塊用蛋白粉印成的小新大頭紫菜。小新負責出面，富山麵家則負責出麵。招牌的「黑醬油半熟蛋拉麵」，湯底有由日本空運的日本醬油調味，再用了以雞骨、豬骨、旺菜、昆布及鰹魚等材料熬4至5小時，最後加入用沙甸魚提煉而成的醬油提味，湯底濃郁，配上偏粗身、富彈性的麵條，整碗麵跟日本本店的味道有8成相似。不捨得食完碗麵就要跟小新分離？餐廳更推出一系列小新25周年限定紀念品，包括印有小新可愛樣的拉麵碗、環保袋及背着動感超人背包的公仔，只要在店內享用任何「富山拉麵×蠟筆小新」拉麵，即可以換購限量紀念品，一於帶它們回家再與小新瘋狂開生日Party啦！

Shop Info

富山麵家

地址：銅鑼灣希雲街7號地下

電話：3110 1860

文：Jessie Tam　攝：Ben