旗艦新品年中報到

以往手機品牌多數採用一年一旗艦嘅策略，年頭、年尾就係品牌發布新旗艦機嘅高峰期；不過隨着手機廠商愈來愈多，旗艦機推出周期亦縮短咗，甚至有廠商玩雙旗艦添！近期水貨新返兩部旗艦作，都係國產出品，分別係大牌Huawei嘅P8 Max以及新進品牌樂視Letv嘅樂1 Pro。前者以市場少有嘅6.8吋巨芒做賣點，後者就係踩過界嘅手機作品，勝在有新鮮感。加上兩機軟件豐富，拍埋國際大Brand毫不輸蝕。

P8 Max 設計與P8相似，暫時只有金色版本。預載Emotional UI 3.1介面，操作流暢。$4,500（a）

有個磁石點陣保護套，可以於機套外查看時間、天氣等資訊。

機背採用金屬物料，要扣分就係下方有一條黑色邊，如果改為金色會更好睇。

前置鏡頭有500萬像素，支援十級美顏。

喇叭位於機底位置，不過音量輸出一般。

支援雙卡雙待，留意SIM 2與microSD共用一槽，唔可以同時使用。

跑分高達五萬分，效能有保證。

內置手機總管，幫用家掃描並停止系統內閒置程式，保持操作順暢。

備有《導演模式》App，能夠透過Wi-Fi連接另外三部Android手機同時拍攝。

樂1 Pro金屬機身手工唔錯，以新品牌嚟講合格有餘！

樂1 Pro機面設計大路，邊框都算幼。佢用自家EUI介面，同大多國產機一樣不設AppDrawer。機面設計大路，邊框都算幼。佢用自家EUI介面，同大多國產機一樣不設AppDrawer。
$3,800（a）

改用USB Type-C，暫時相關線材都唔多，原裝嗰條要錫住用喇！

機背設設有幾分似HTC One M8，就連金屬手感都好近似。

內置大量樂視內容，可惜有地區限制，好多都睇唔到。

備有遙控功能，可以變身為萬用遙控，控制家中家電。

跑分超誇張，得分逾六萬五千，證明效能唔可以睇小！

拍攝介面與iOS相似，提供全景、慢動作等模式。

Recent Apps介面經過重新設計，備有各式快捷鍵，包括計數機、電筒。

小米Note $3,999（a）

Samsung Galaxy S6 Edge $6,280（b）

isai VL LGV31 $1,780（b）

Meizu MX5 ￥1,799（16GB）、￥1,999（32GB）、￥2,399（64GB）（c）

Huawei P8 Max 巨屏好養眼

一睇P8 Max型號，就知佢係早前於香港正式開賣嘅P8同門師兄弟。叫得做Max，顧名思義就係屏幕更大，由P8嘅5.2吋芒大幅增至6.8吋，暫時屬大牌中少見屏幕逾6吋嘅產品，可滿足一眾獨愛大芒嘅用家。屏幕解像度維持1,920×1,080，顯示清晰，可視角亦相當高；配合「分屏顯示」功能，可以將畫面一分為二，同時使用兩個唔同程式，玩多工作業大派用場。外形方面，P8 Max同P8亦有九成似，直板機身、利落線條及窄邊框設計，加上一體金屬機身，手感、手工都唔錯！難得機身咁大，但P8 Max仍然僅厚6.8mm、重228g，以Phablet級手機嚟講相當輕巧，攝落褲袋都冇困難。

電量十足變尿袋

規格方面，佢係用HiSilicon Kirin 935八核處理器，有3GB RAM、64GB ROM，均屬頂級配置，比同廠P8硬件更勁，跑分高、逾五萬分，效能毋須懷疑。另外，新機內置4,360mAh電池，唔單止確保電池續航力足夠，仲支援反向充電，可以當「尿袋」幫其他手機急救充電，非常實用。值得一提，P8 Max隨包裝附送原裝磁石點陣保護套，屬揭蓋式皮套，仲似足HTC Dot View，喺機套表面滿布細窿，唔使打開機套即可睇到時間、來電、天氣等資訊，又係幾方便！佢亦同時支援雙卡雙待，並兼容中港3G、4G制式，可惜同P8採用相同設計，SIM 2與microSD共用一個插槽，換言之雙卡模式時就要犧牲擴充容量。

Huawei P8 Max SPEC

制式：GSM、WCDMA、LTE

處理器： HiSilicon Kirin 935八核心

記憶體：3GB RAM、64GB ROM，支援128GB microSD

屏幕：6.8吋（1,920×1,080解像度）

鏡頭：前置500萬像素、後置1,300萬像素

電池容積：4,360mAh

對外連接：藍芽4.0、802.11n、microUSB

作業系統：Android 5.1

體積：182.7×93×6.8mm

重量：228g

Letv 樂1 Pro 2K芒省鏡

樂視近年動作頻頻，喺內地力推影片網站《樂視網》之餘，仲出埋樂視盒子、樂視電視，兼踩過界玩埋手機，於四月中一口氣出咗三部。內地率先開賣就有樂1以及樂1 Pro，當中規格勁啲嘅樂1 Pro就搶先水路到港。驟眼睇，機身正面設計驚喜不大，幸而直板圓角金屬機身手工不俗，邊角位特意打磨拋光，好有層次，有心思，鏡頭位置以及弧形機背有幾分似HTC One M8。而其5.5吋大芒亦吸引，解像度高達2,560×1,440，屏幕規格同LG G4、Samsung Galaxy S6等大作睇齊，畫面好細緻，顯示效果一流。

樂視內容有局限

樂視手機另一賣點當然要數到其自家EUI介面，佢內置樂視影片平台，劇集、電影、體育等內容都有；仲特別喺主頁增設「Live桌面」，一按主頁的Live圖示即可直播不同類型節目。惟以上功能大多有地區限制，香港試開時好多都睇唔到，有啲可惜。硬件上，佢都係超班，搭載Qualcomm Snapdragon 810八核心處理器、4GB RAM，不過就冇得加microSD擴充容量，儲存相片、歌曲就要靠內置嘅32GB容量。值得留意，樂1 Pro改用全新USB Type-C介面充電，不過暫時USB Type-C線材唔多，想買多條後備線都唔容易；幸好有原裝microUSB轉頭，方便用番一般線材。