於熱辣辣的沙灘上，飲支冰凍的汽水真爽，咪住！點解扭唔開嘅？其實這些「汽水」是凍包，可以陪着你四圍去！小暑已過大暑將至，想清涼度日，唔一定要用芭蕉扇，坊間還有不少實用又盞鬼的消暑兵團幫大家降溫，要涼浸浸行街再不是夢，誰叫我們這些年輕人唔捱得呀！

支裝汽水造型凍包。$10/包（a）

Kumamon造型的手提風扇，賣萌程度毋庸置疑，還有噴水設計增添涼快感！$148/件（b）

J-Cube冰火神器備有黑、白兩色，按掣後金屬片會極速變凍至攝氏5度，將其放於頸後或臉龐，冰涼感覺籠罩全身。$599/件（b）

桃紅色的座枱風扇，以火龍果為設計靈感，並設有恍如果肉的扇葉，十分搞笑。$58（b）

iMirror座枱扇同時兼備鏡子、LED燈，用來化妝夠晒實用，備有6種顏色選擇。$520（c）

悶熱的天氣令人提不起勁，幸好形形色色的消暑品早已着陸，以大熱的手提風扇為例，迷倒眾女生的熊本熊Kumamon當然是人氣之選；而可注入香薰的唇膏形小風扇，既涼快又香氣四溢。不過要數高科技產品，不得不提J-Cube冰火神器，其攝氏5度的製冷功能可以幫大家即時降溫，而且它兼備製熱和手提電話充電功能，3合1的便攜式設計全年適用。此外，在家不想動輒開冷氣，可考慮選購一些小巧方便的消暑好幫手，例如北極熊圖案枕頭墊，使用前放於雪櫃冷藏30分鐘，便可提供數小時的冰凍感，可以睡個涼浸浸午覺。不過小記最喜歡的莫過於名為iMirror的座枱風扇，既有36組LED燈，又備有鏡子，有了它，扮靚人士從此不用怕一邊化妝一邊滴汗溶妝啦！

查詢：（a）city'super 2736 3866（b）JC Shop 3102 2783（c）Girlylane 5528 6883

文：Lum　攝：Man、Man.C（部分相片由受訪機構提供）