近日一群的士大佬又示威、又慢駛等等,抗議有新經營者在網絡上搶客,指政府不取締其非法經營。是否非法經營,就有待相關當局跟進,但好笑是,無論網絡上或打電話上電台之聽眾,幾乎一面倒批評的士行業不專業、無禮貌等等,這確實反映這個行業的嚴重問題,但他們自己是不覺得有問題,那都是別人的問題!

在香港坐的士,確實貼錢買難受。拒載、兜路已屬「正常」,搭短程畀說話你聽、畀面色你睇、長程直頭唔去!我試過在尖沙咀去上水,個的士大佬不開車,直接叫我坐另一部!而以前畀貼士後,九成連多謝也沒有;而現在不給貼士的話,100%的士司機在付款後是沒有講「多謝」的!可怕!老奉畀錢佢哋賺!

上年試過一次,約了朋友在九龍某街等,由於當日生病,又未去過那條街,所以坐的士比較方便。一上車就講出那街名,及後到達某位置,忽然那大佬問:「你邊度落(o架)?」我再表明那街名,他說早已過了!吓?他大大聲表示我無叫停就繼續行,之後仲上了小山丘,仲繼續罵我點解不叫他停車!那刻火也來了,就馬上叫他停車,然後慢慢走去現場!不良的士司機真係佔大多數。

有聽眾指,日本的士乾淨、司機有制服、有禮貌,香港真係冇得同日本比。我在日本次次坐的士遇到的司機也非常好禮貌,有次在福岡,坐的士去某神社,那司機知我是遊客,到達後生意也不做,帶我參觀仲帶我拍攝,他並非大陸司機想屈你錢那種,他是真心對待外國遊客!日本一次搭的士經驗,頂香港一世坐的士的慘況!其實我真心不介意香港全個的士行業崩潰的!