喺香港地踢波，除咗因為「土地不足」而難以Book場外，Call齊人組隊都係另一困難，你估仲係讀書嗰陣咩，咪話踢11人大場，就連踢五人場都會畀波友放飛機，相信你都中過招吧！早前喺中環adidas Sports Base基地，就舉行咗別開生面嘅#BETHEDIFFERENCE 2V2小型足球賽，顧名思義「二打二」，全場四個人就開到波，最過癮係畀你盡情扭波之餘，甚至鼓勵波友Solo出花招，唔怪得連香港花式足球王施寶盛（Lyson）都話好玩！

Lyson表示，一般人認為每日花兩、三個鐘練波已經好夠，但係外國嘅高手日日練六、七個鐘都視作等閒。

花式足球高度個人化，着重技巧、創意，練習所需嘅場地充滿彈性，就算係一小塊空地都可以練到。

Akka 100

Flip Up Akka

Panna

雖然#BETHEDIFFERENCE 2V2比賽已經結束，不過咁靚嘅人造草球場依然喺度，歡迎球迷落場一展腳法。

Messi 15.1 Boost　$999

Ace 15.1 Boost
$999

X 15.1 CT
$729

Ace 15.1 Topsala
$729

X 15.1 Boost
$999

層次愈高嘅賽事，就愈在意勝敗，試想因為扭失波而畀對手打反擊，仲唔畀教練省到上天花板咩？踢得咁功利、咁侷促，仲好玩咩？adidas嘅2V2新玩法就標榜自由、創意，鼓勵參賽者多啲扭波，除咗正規足球都有嘅插花、通坑渠，就連花式足球（Freestyle Football）嘅招數都可以融入其中，早前有份作為2V2比賽評判嘅Lyson都話︰「好多時喺正規嘅足球賽事上，想用花式過人，可能冇咁實際，變咗就要收埋自己嘅腳法，但係呢個比賽改用花式計分，鼓勵你將自己嘅腳法Show晒出嚟。」

只要有心 處處練到波

Lyson係少數有出外參賽經驗嘅本地花式足球員，上個月就去咗北京出戰全國Freestyle錦標賽，喺親身感受下，體驗咗台上一分鐘、台下十年功嘅現實，他指出︰「好多人會覺得，每日練三、四個鐘頭已經好夠，但係一啲高水平嘅表演者，對佢哋嚟講每日練六、七個鐘，都係平常不過嘅事，如果想代表香港參賽，我哋要再努力先得。」難怪Lyson經常喺Facebook留言，想踢得好，冇捷徑，只有勤力！

無論正規足球又好、花式足球都好，正如引言都提過，Book場踢波難過登天，想玩花式足球又可以去邊度練？Lyson透露︰「其實練習花式足球嘅地方唔使大，只需要一塊細空地，甚至乎去到球場，就算個場已經畀人Book咗，喺場邊嘅空位一樣練到。喺香港，玩花式足球其實比正規足球更加容易。」早前Lyson就親身示範咗幾道初學入門招數，包括Akka 100、Flip Up Akka及Panna，想學嘅話記住Click入on.tv「生活台」慢慢鑽研了。睇完片，當然要實踐，雖然adidas 2V2比賽已經完結，不過中環Sports Base嗰個咁靚嘅足球場，依然喺比賽及特定節目時間以外，開放畀公眾使用，球迷咪走寶喇！

adidas Sports Base小資料

地址：中環海濱活動空間（鄰近摩天輪）

公眾開放日期︰即日至8月9日

開放時間：7:00am-11:00pm

入場費：全免

至新波Boot推介

今期adidas新返咗多款平底波Boot，既適合硬地場賽事，亦都Fit到花式足球嘅需要。先以Messi 15.1 Boost、Ace 15.1 Boost及X 15.1 Boost為例，最大賣點係中底用咗品牌嘅王牌緩震設計Boost，吸震力超高，練多幾個鐘頭波，對腳都冇咁易攰；另外兩款係Ace 15.1 Topsala和X 15.1 CT，鞋底冇Boost咁厚，偏向貼地、低重心，對着慣傳統平底Boot嘅用家而言較易適應。總之鹹魚青菜，各有所愛，總有一款Fit到你。

查詢︰2730 0157（尖沙咀漢口道adidas旗艦店）

文︰Dick　攝︰Paul