「Oh, say can you see by the dawn's early light！」7月4日既係美國嘅獨立日，亦係國慶日，對美國人而言當然係大事，但與香港人又有何干？老實講，美國嘅軟實力早就稱霸全球，復仇者侏羅紀到未來戰士，總有一套睇過啩，麥記更加冇可能未幫襯過，對籃球迷而言，更加多得阿美利堅唔少，唔只有令球迷瘋狂嘅NBA，今期仲有藉國慶發財嘅Nike Basketball July Fourth Collection，四大台柱Kobe、LeBron、Kyrie及KD統統國旗上身，Sharp醒之餘，KD8更為國奉獻咗「第一次」，分外引人注意。

KD8 July Fourth $1,299

外底設有深刻嘅凹槽，藉此增加鞋底嘅屈曲幅度。

Flyweave織物鞋面係剔牌嘅最新設計，支撐度比Flyknit仲要高。

鞋身兩側內藏Flywire，進一步加強穩定性。

Kobe X July Fourth $1,399

鞋頭與鞋身內側，都印有清晰嘅星星圖案。

Kyrie 1 July Fourth $849

Hyperfuse鞋面嘅網紋布局之下，有齊了美國國旗嘅紅白藍三色。

LeBron 12 July Fourth $1,599

鞋身多個細節位，都有星條旗嘅設計影子。

左右鞋舌都有一塊小橫片，揭起就會發現分別印上星條旗上嘅星星及橫間。

由左至右，2015-16球季嘅意甲、西甲及英超嘅Official Match Ball，都會轉用Nike Ordem 3，球面用咗Visual Power Graphic圖案設計，分外易認。

作為歐洲三大聯賽嘅專用足球，當然要加番所屬賽事嘅Logo（由左至右，分別係西甲、英超及意甲）以資識別。

KD8國旗變奏

雖然新一季嘅NBA有排先開鑼，不過KD系列嘅最新版本—KD8已經鐵定本月有售，根據剔牌原先公布，首輪嘅KD8主打橙紅色「V8」版本，香港方面已定於本月11日開售，不過國慶大過天，故此安排「July Fourth」版本搶先推出。KD8 July Fourth嘅Flyweave鞋面以紅白藍三色紗線織成，正正係美國國旗嘅代表顏色，至於鞋舌上白色嘅KD標誌、藍色嘅中底，以及紅色嘅Zoom Air與外底，何嘗唔係星條旗嘅變奏？老老實實，個人認為July Fourth嘅配色比V8豐富得多。至於功能設計方面，July Fourth與V8一樣，有齊Flyweave鞋面與全掌式Zoom Air呢兩大殺着，絕對有姿勢又有實際。

LeBron 12最多Gimmick

至於Nike Basketball其他三款Signature Shoe，亦都同步推出July Fourth版本，Kobe X與Kyrie 1都用上紅白藍三色設計，LeBron 12就將紅、藍雙色分拆於鞋身與鞋底，再於Swoosh商標等細節位上注入白色，破格之餘仲好有心思，事關喺鞋身兩側嘅Hyperposite組件上，印有代表美國國旗嘅星星與條紋圖案，就連左右鞋舌嘅細節位都暗藏同樣設計。其實過往Nike為美國奧運隊設計球鞋時，都會用上相似嘅設計美學，結果往往引起搶購潮，如果你都有儲開美國隊版本嘅球鞋，今年嘅July Fourth Collection都冇理由錯過啩！

未吹雞先開波

雖然歐洲各大足球聯賽仍在抖暑之中，球星就話有假放，不過運動品牌就仍然年中無休，除咗球會波衫，Nike最近仲公布埋來季西甲、英超及意甲嘅全新賽事專用足球Ordem 3，整個球面由12塊合成物料連結而成，當中用上幾何學原理設計，令壓力平均分布，從而得出準確而有力嘅球感，至於球面上嘅Aerowtrac凹槽，設計上應用咗氣動力原理，令Ordem嘅飛行路線變得更精準、穩定，仲有Carbon-latex氣囊內膽，令每次觸球都有更靈敏嘅反應，射球時亦有更大爆炸力。外觀方面，針對現時嘅比賽節奏愈嚟愈快，故此球面用上鮮明嘅Visual Power Graphic圖案設計，就算球速再快，球員都可容易察覺得到Ordem 3嘅位置所在，無論對攻守雙方，尤其是守門員而言都係一項窩心設計，相信可以減少蝦碌機會啩。

查詢：2520 0771（灣仔莊士敦道Nike Basketball Store）

文︰Dick

攝︰Bowie