《荒失失企鵝3D》配角擔正新意動作

如果有睇開《荒失失奇兵》動畫系列，一定對那幾隻生鬼可愛的企鵝留下深刻印象。夢工場見既然角色受歡迎就不要浪費，直情用牠們來做主角，製作出《荒失失企鵝》。四隻企鵝的角色性格非常鮮明，加上密集式的笑料，相信大人與小朋友都睇得開心，而且為了令場面更加緊張刺激，仲加入了動作元素，對睇開《荒失失奇兵》系列的朋友，無疑是多了點新鮮感。特別一提是藍光版備有3D加2D兩個版本，其3D效果做得細緻出色，鬼馬企鵝好像要跳出電視屏幕似的，家中有3D TV的朋友一定要試。